დედაენის დღისადმი მიძღვნილი სტუდენტთა რიგით მე-13 სამეცნიერო კონფერენცია
2022 წლის 14 აპრილს უნივერსიტეტში ჩატარდა დედაენის დღისადმი მიძღვნილი სტუდენტთა რიგით მე-13 სამეცნიერო კონფერენცია. მასში მონაწილეობა მიიღეს როგორც საბაკალავრო, ასევე სამაგისტრო და მასწავლებლის მომზადების ინტეგრირებული პროგრამის სტუდენტებმა. მათ წარმოადგინეს მოხსენებები, რომლებიც ეხებოდა საქართველოს უახლესი ისტორიის საკითხებს, კერძოდ, ქვეყნის ბრძოლას ქართული ენის სტატუსისათვის. კონფერენციის მუშაობაში დისტანციურად ჩაერთო აფხაზეთში მყოფი სტუდენტი ვერიკო ძიძარია, რომელმაც წარმოადგინა საინტერესო მოხსენება ქართული ენის მდგომარეობის შესახებ ოკუპირებულ ტერიტორიაზე. კონფერენციას ესწრებოდნენ პროფესორ-მასწავლებლები, სტუდენტები, საჯარო სკოლის მოსწავლეები.