მიმდინარე წლის 21 და 22 სექტემბერს შოთა მესხიას ზუგდიდის სახელმწიფო სასწავლო უნივერსიტეტში საქართველოში იტალიის საელჩოს, ამიერკავკასიის ლათინური წესის კათოლიკეთა სამოციქულო ადმინისტრაციის, კაზოლა დი ნაპოლის (იტალია) მერიისა და ზუგდიდის მუნიციპალიტეტის მერიის მონაწილეობით ჩატარდა საერთაშორისო სამეცნიერო კონფერენცია ,,საქართველო-ევროპის ურთიერთობათა ისტორიიდან --- ქართულ-იტალიური პოლიტიკური და კულტურული ურთიერთობები.“ კონფერენციის მუშაობაში მონაწილეობას იღებდნენ შოთა მესხიას ზუგდიდის სახელმწიფო სასწავლო უნივერსიტეტისა და ქვეყნის სხვა წამყვანი უმაღლესი სასწავლებლების პროფესორები, საქართველოში წმინდა ტახტის მისიის წარმომადგენლები, კაზოლა დი ნაპოლის მერი ბ-ნი კონსტანტინო პეჩერილო, ზუგდიდის მუნიციპალიტეტის მერი ბ-ნი მამუკა წოწერია, ჯუზეპე პაზოტო-ამიერკავკასიის ლათინური წესის კათოლიკეთა სამოციქულო ადმინისტრატორი. მეორე ნაწილი დაეთმო რეგიონის ღირსშესანიშნაობების ----კორცხელის, წალენჯიხისა და ხობის ტაძრების დათვალიერებას.

კონფერენციის ფარგლებში გამოიკვეთა შოთა მესხიას ზუგდიდის სახელმწიფო სასწავლო უნივერსიტეტის იტალიის ქალაქ კაზოლა დი ნაპოლის ადმინისტრაციასა და იტალიის საუნივერსიტეტო ცენტრებთან ურთიერთთანამშრომლობის პერსპექტივა, რაც მოიცავს ერთობლივი პროექტების განხორციელების შესაძლებლობას მეცნიერების, კულტურისა და აგრარული სფეროს განვითარების მიმართულებით.

  308923391_444792907632093_2230636476589589840_n.jpg 308692789_444793187632065_4753471495507693722_n.jpg                             308684411_444792067632177_5591247043390751699_n.jpg 308615417_444792140965503_1899269577038021357_n.jpg

 308583327_444792844298766_3605358691011458528_n.jpg 308567322_444792447632139_4097114690785149925_n_0.jpg

308557861_444792734298777_1913641106620561231_n.jpg 308068415_444792694298781_1248548772249624777_n.jpg