2023 წლის 5 მაისს შედგა ფინანსთა სამინისტროს საგამოძიებო სამსახურის წარმომადგენლებთან შეხვედრა, რომელსაც უძღვებოდა საგამოძიებო დეპარტამენტის უფროსი, ბატონი ლევან ძნელაძე. საინფორმაციო შეხვედრას ესწრებოდნენ ,,სამართლის’’, ,,საჯარო მმართველობის’’ და ,,ბიზნესის ადმინისტრირების’’ საბაკალავრო საგანმანათლებლო პროგრამების სტუდენტები.

აღნიშნული სამსახური სტუდენტებს შესაძლებლობას აძლევს ფინანსთა სამინისტროს საგამოძიებო სამსახურში გაიარონ როგორც ანაზღაურებადი, ასევე არაანაზღაურებდი სტაჟირება. ასევე მნიშვნელოვანია, რომ მათ მიეცემათ რეალური შანსი შემდგომში დასაქმდნენ ფინანსთა სამინისტროს საგამოძიებო სამსახურში სხვადასხვა პოზიციებზე.

შეხვედრის განმავლობაში სტუდენტებმა მიიღეს ამომწურავი ინფორმაცია მათთვის საინტერესო საკითხებზე, როგორც ზოგადად აღნიშნული უწყების მუშაობასთან დაკავშირებით, ისე სტაჟირების საკითხებზე.