შოთა მესხიას ზუგდიდის სახელმწიფო სასწავლო უნივერსიტეტში ინტეგრირებული პროფესიული პროგრამების პირველი კურსდამთავრებულების გაცილების ღონისძიება გაიმართა, რომელსაც ზუგდიდის მერი მამუკა წოწერია და მერის პირველი მოადგილე კონსტანტინე კაკავა ესწრებოდნენ.
მერმა კურსდამთვრებულებს მიულოცა, პროფესიული განათლების მნიშვნელობასა და მსგავსი პროგრამების მიმართ სახელმწიფოს მხარდაჭერაზე ისაუბრა.
წელს პირველად განათლების სისტემაში გაიცემა დიპლომი, რომელიც სკოლის ატესტატთანაა გათანაბრებული.
უნივერსიტეტში ,,კომპიუტერული ქსელებისა და სისტემების“ პროფესიულ საგანმანათლებლო პროგრამაზე 2020 წელს 9 ახალგაზრდა ჩაირიცხა.მათ ეს დიპლომი საშუალებას აძლევს, გააგრძელონ სწავლა განათლების უმაღლეს საფეხურზე, რაც განათლების უწყვეტობის საფუძველია. აღნიშნული ცვლილება საქართველოს კანონში ,,პროფესიული განათლების შესახებ“ 2018 წლის 20 სექტემბერს აისახა.
