მასწავლებელთა პროფესიული განვითარების ეროვნული ცენტრის დირექციისა და დარგების სპეციალისტთა შეხვედრა უნივერსიტეტის ადმინისტრაციასთან
მასწავლებელთა პროფესიული განვითარების ეროვნული ცენტრის ინიციატივით, 17 ივნისს გაიმართა ცენტრის დირექციისა და დარგების სპეციალისტთა შეხვედრა შოთა მესხიას ზუგდიდის სახელმწიფო სასწავლო უნივერსიტეტის ადმინისტრაციასთან, ზუგდიდის მუნიციპალიტეტის მერიის წარმომადგენლობასთან, ქ. ზუგდიდის საგანმანათლებლო რესურსცენტრის ხელმძღვანელობასთან და საჯარო სკოლების ზუსტ და საბუნებისმეტყველო დისციპლინების მასწავლებლებთან. ცენტრის დირექტორმა ბერიკა შუკაკიძემ შეხვედრის მონაწილეებს გააცნო ცენტრის ახალი ინიციატივა რეგიონებში ზუსტ და საბუნებისმეტყველო დისციპლინების სწავლების ხელშეწყობისა და გაძლიერების მიზნით საუნივერსიტეტო ლაბორატორიის შექმნის საკითხებზე.