8 დეკემბერს, 16 დღიანი კამპანია ქალთა მიმართ ძალადობის წინააღმდეგ ფარგლებში, შოთა მესხიას ზუგდიდის სახელმწიფო სასწავლო უნივერსიტეტში გაიმართა სტუდენტებთან შეხვედრა. შეხვედრა გახსნა პარლამენტის გენდერული თანასწორობის საბჭოს თავმჯდომარემ ნინო წილოსანმა. ასევე, სტუდენტებს მიმართა ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსმა გოგი რევიამ.

შეხვედრის მეორე ნაწილი დაეთმო ტრენინგსა და პრეზენტაციას.

პარლამენტის მოწვეული ტრენერის ელენე ბერიაშვილის ტრენინგი თემაზე "ბრძოლა თანასწორობისთვის", და საერთაშორისო ორგანიზაცია მერსი ქორპსის (Mercy Corps) წარმომადგენლების ლელა მირცხულავას და ნინო ჩუბინიძის პრეზენტაცია თემაზე "ქალთა გაძლიერება ციფრულ ეკონომიკაში და ტექნოლოგიებზე დაფუძნებული ძალადობა გენდერული ნიშნით".